بنت الريف:
اهلا وسهلا بيج يا مسيرة للريف ... ابهذا السلف كل بيت يتباهة بالضيف
بنت المدينة:
عدكم بهذا الريف حلوة الطبيعة ... والنهر والاشجار صورة بديعة
بنت الريف:
كلشي حلو بالريف حتى المحبة...نعيش بمودة وخير والعشرة طيبة
بنت المدينة:
بنت المدينة تعيش ما بين العطور ... وبأحدث الازياء وبعالي القصور
بنت الريف:
احنا عطرنة الهيل وباللبس راضين ... وشوفي شحلاتة الدار وسط البساتين
بنت المدينة:
عدنا الاكل وجبات كل وجبة من لون ... وكل واحد من البيت كدامة ماعون
بنت الريف:
يتصدر من الريف اكل المدينة ... وعدنا لذيذ الزاد من زرع ادينة
بنت المدينة:
هاليوم ازور الريف بأحلى الفساتين ... وانتن ولو حلوات لكن مساكين
بنت الريف:
يا خية والعباس بعز وهنا نعيش ... وعدنا الكلوب نضاف مثل الدشاديش
بنت المدينة:
بنت المدينة هواي تهوى المظاهر ... وتطلب العندة المال بنت الاكابر
بنت الريف:
خية احنا نهوى الزين واليستر الحال ... والوفا بهذا اليوم ما ينشري بمال