كلش موطبيعي ودخت كلش بيك
وداخت من حجت وياك كلماتي
بحلاتك سيد وينكالك مولاي
ومن كد ماحلو كتلك يمولاتي
شفتك غوشت عيني وكمت ماشوف
درت وجهي صفح شافتك أذاناتي
تعال اكعد بكلبي وشوف شيصير
كل دكة ونبضة تصرخ باسمك
مو قران جيب الكعبة وياك
حتى احلف علية شكد اني احبك
اشك حتى بخيالي وما اشك بيك
وابيع الدنيا كلها وما ابيعك
ربيع العمر يخلص ما يظل دوم
وانة اتحداك اذا يخلص ربيعك
ياباقة ورد أهديلك انتة شلون
الورد منك خجل مايدخل السلة
لأن مثلك ورد منوجد في هالكون
إذا إنتة الورد في عالمك كلة
هاك الروح أخذها وآنه ممنون
وما أنطيك عيني وما اعوفك
مو بخل بعيني وشنهوا العيون
أذا أنطيك عيني شلون أشوفك
تريد الناس اسولف وآنة كلي هموم
خانگني الدمع ماأگدر احچي
إذا حتى الدمع من شافني بهالحال
لبس أسود علية وگام يبچي
ابوسك بالحلم وأعلن صيامي أسبوع
عسل شفتك سد حتى شهيتي
واذا ابوسك بالحقيقة اضعف هواي
لان اظل صايم لحد منيتي