يسألوني على حالي شبيك ما بيك
اشو وجــهك كئيب ولونة شاحب
وجاوبهم وأگــــــــــول الحـمد لله
بس عينيي عكس شفتي تجـاوب
واتيهم أحــــــاول مـا يحســـــون
ادري عيـــون شـماتي تراقب
وضحّك شفــــــتي گدام اليسألون
وآنة بصدري حزن يلطــم مواكب
يگــــــلولي ضحكتك باردة هواي
وشو للصفنـــة دومك حيل راغب
گبل چانت ضحكتك مالـــية البيت
ولسانك حـــــــرك كلش مشاغب
شجاك شغيرك وشصـــاير وياك
توزع همـــوم بيدك چن محاسب
خسران بتجــــــارة بعازة فلوس
نفزعلك اهل كلــــنة وگــــــرايب