هو: حبي الك يهواي مديتة vector
وحاولي اضربة cross بس قلبي طنكر
هي:حبي الك يهواي تعجيلة ثابت
وفكتــــــرك بالدلال خليتة نابت
هو :برنولي هذا اعليج واحجي بصراحة
فكرتي بية بيوم بالاستراحــــــــــــــــــة
هي: سنكر انه احلف بي وما كذب اعليك
حبك ضروري وصار جن دهن البريك
هو: كاملت حبك ضاع حد التكامل
والc طلع مليون كيف التــــــعامل
هي: كامل بعد مرتين واشتقة مرة
والناتج الله عود يكفينة شــــــــرة
هو: شوفيني top viwe واخذلي مقطع
وكوليلي i love u وخليني اسمــــــــع
هي: شقطع ششوفن بيك شتريد ادور؟
كللك براغي وزيت وين التطــــــور؟
هو: كل التطور بجيج كللج جديدة
وحبج لحمتة بغاز مثل الحديــــدة
هي: ان كان انت بغاز ثبتت حبي
ضبيتة بسبانات حبــــــــك بقلبي
هو: pump القلب تدرين ويضخ محبة
واصغر تدفق بيه كل لحظــــــــة دبة
هي: متعجب انت بهاي قلبك يضخ حب؟
قلبي اني فاض بشوق بي يغـــرق الدب
هو: بحبك صفة الدلال يبعث حرارة
وحرت اني يا اجراء يطفيلي نارة
هي: حرت انت بالاجراء اني شسوي
ضغطي صعد للبار وصرت انت جوي