عليك الروح نص الليل ونت
لان برغي القلب مفتوح والنت
ادور عليك بالجات والنت
وينك ياحلو بس مر علية
سفن حبك بشؤاطي القلب شرعن
وسهم حبك نبت بحشاي شرعن
اريد مذهب يحلل البوس شرعن
واذا ماكو راح ارد للجاهلية
شكثر بجفاك ون قلبي وهم لك
وعقلي غفل فاركني وهم لك
شتظن انساك ياغالي واهملك
وانت بدمي دم يدور بية
عمي ذبت بغرامك مايع اني
ومنو بهجر الغوالي ما يعاني
نشف من اثر هجرك ماي عيني
وبقى بس القهر والضيم بية
اليريد الحلو لابد ويا مر
وحبيب الروح يدلل ويأمر
اصيرن نار من يبعد ويامر
وارد قالب ثلج لو رد علية