الك ياما جروح هواي غشيت
وعن باقي الناس العين غشيت
كعـدت يمي بسكوت غـشـيـت
كام يكول للاستاذ غش علية
*****
حبيبي شمحلة وجناتة ووجهة
وشعل بالكلب نيرانة ووجهة
اريد اضبط صحن كلبي واوجهة
والسكنال اطلعة اليوم مية
*****
غاب الكمر من شافك ولا هل
ولغيرك ما نزل دمعي ولك هل
مـالي دار بـبـغـداد ولا هـل
عزيز ويصعب فراكك علية
*****
يهل ماخذ مهجتي وانتة بيها
المحاسن نسل منك وانتة بيها
لا تحـرك مهجتي وانتة بيها
اخاف من اللهيب عليك اذية