هلو اصدقائي الحلوين اشلونكم
اليكم هاي القصيدة الخنفشارية والي اسمهة الترميش يعني(مس كول)
هاي القصيدة مسموعة طبعا...........
وتكول القصيدة ..........
مصاحب واحد جدا مزعج
مزعج كلش اتمنى ايموت وميعيش
ذابحني يرمش كل ساعة
بطل العالم بالترميش
تصور ابنة تخربط مرة. ابنة تخربط غير يخابر
كض نقالة وظل يجكجك
كلت بكلبي شكد تلاف
حسبالي يخابر مستشفى ثاري يرمش عالأسعاف
ومن يرمش ياأخي تصور ميدك عندي
بس كلوب يوج ويطفة ما الحك اضغط أي دكمة
بسرعة ايسدة وحطة بصفة
شنهالسرعة شنهالخفة
مصخم اسود يوم الشفتة
طلع روحي كضيت النقال وبعتة
بعتة لواحد اسمة محمد واحد يمنة وماعاملتة
واني اتحاسب كام يرمش...ماجاوبتة ...... كام يرمش...ماجاوبتة
شو يومين محمد ضايج من كد ما رمش صاحبنة كام يشك وطلك مرتة
وصارت هوسة جيب فلوسي وهاك فلوسك
جبت النقال ورجعتة
كضيت النقال بحركة بحركة بجاكوج وكسرة ارد ارتاح طلعت روحي
هيج وماشوفن ترميش
هيج وكلبي بفرحة يعيش
اقسم بالقران بعرضي
اقسم ما جيبن نقال زيد كل همومي ومرضي
كلت ارتاحيت وفكيت
شو صاحبنة يوم الثاني كام يرمشلي علة الارضي
ياخي اتصور كلة يرمش راسة يرمش عينة ترمش خشمة يرمش مثل السيت
تعبني وكلش سودني يرمش حتى بجرس البيت
نقالة اكبر واحد شفتة محد يعرف يا نوعية
ماشايف نقال بكبرة حجمة بكد الصلاحية (الدولكة)
لاهو دمعة ولا قناص ولاهو 2600
ولاهو دبة ولا c100
اقدم حتى من الطابوكة يمكن نوعيتة ثليثية
والحمد لله والشكر حققلي ربي الامنية
مات وخلص عندة الشحن وكفت جميع الاوعية
رمشلة ملك الموت اجة يعني انضرب بالقاضية
وكتبوا على كبرة الربع خارج نطاق التغطية .......
