دارميات لكل العشاق

*كون الله هسة اليوم ياخذها روحي ... وانسى اذى المحبوب وتخلص جروحي

*كون الله هسة اليوم ياخذني وياك ... ظلمة يا ضي العين العيشة بلياك

*اتمنى قلبج يوم يوگع بدية ... وأقفل عليه الباب واشبعة اذية

*گلبي تشبعة بضيم أنا اللي ممنون ... بس لاتجافي الروح لو ولفك تخون

*مو بالقلب بالروح رايد اخليك *** واكتب خطرممنوع محد يمر بيك

*ملبوس الأسود دوم مو كلش يلوك...من تلبس الأسوديوم جا عزل السوك

*ياما شفت حلوات بس انتي الاحلة ... يالعينج خضار دهوك ومن غير كحلة

*احمر شعر هواي والخصلة سودة ... يمشي بدلع من يفوت واللبس مودة

*اسود لبسلي اليوم وحياني الاشكر ... والشعر نهر النيل والركبة مرمر

*سب واشتم شمتريد يا ولفي اقبل ... ولا تظلم اني اهواك ومااريد تزعل

*يا خويا يا كرار ظم دمعك ارتاح ... ولاتشمت انتة عداك وتصفك على الراح

*هاك ابرتك والخيط كوم امشي عني ... لو بية اشل الجروح جا شل هذني

*كلبي ارد اكصة بموس واكوي بمكانة ... علمني اعلى دروب كلهن مهانة

*نيالك تشوف هواك لوحتى بالطيف ... وك شوفة الحلوين صارت مطر صيف

*نيالك تشوفه هواك وبالحلم ساعة ... ما نمت لحظة بليل من يوم وداعة

*شحجي شكل للناس من همي شحجي ... مليان بالحسرات بس احجي ابجي

*كلبي ارد اكصة ابموس وبفاس اكطعة ... خلصها بالسختات مالحك ربعة

*وحقك يداح الباب ما ننسى امنا ... ولاخر نفس والله نفديها بعمرنا

*خوي استر على الحال خوي استر استر ... السكف البنيتة اوياك بس غيمت خر

*كل واحـد نخــاويـه لازم نفحـصة ... در ابد ما مغشوش و صافي فضة

*اگعد بنص الليل واذكر وليفي ... وبحجة الحلمان ابچي على كيفي

*حبك يا بعد الروح بگليبي شمعة ... تتحول من تذوب بعيوني دمعة

*برنو عيون هواي والمشط بيها ... والعدة سبع ارواح ما يصد ليها

*اطلك لي سبع سنين شفت العجايب ... تالي أطرحت ياناس ذبيتها شايب

*جيت اسئل المحتل وين النفط صار ... جاوبني هالعصفور مثل الهوة طار

*شجرة وحدرها الناس تتفية وتنام ... خلتني بالعاكول اتفية الايام

*راح البلد ياصاح ،راحت اغانية ... حرامي واحد راح ، أجوا حراميــــة

*ارد انشد العقال واهل العدالة ... لو نشف ملح الزاد شنحط بدالة ؟

*لو نشف ملح الزاد حط ماي العيون ... فانهم ترى يا فلان ماسخ يكولون

*اسمر واخاف عليك من ممشى الغروب ... جاهل وبعده صغير ما يندل دروب

*ليل الشتة يهواي مكدر انامة ... حط بالكلب نيشان هاي العلامة