&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن علية
يشقر عــــــن اودادك سنلها
اونارك تسعر ابجبدي سنلها
ساعة الفــــارقت بيها سنلها
اشحال افراقـك يومينك علية
وحك آية عصا موسى وسينا
الك حثت رجــايبنة وسينا
الك حسن النبي يوسف وسينا
الي والنور الك والنـار الية
أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إلية
انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحية
كل مغرم برت علتـــه ونالة
سعيد اللي حظة بشخصك ونالة
الطارش من سمع نوحـي ونالة
ترك شغلة وبجا رحمــة علية
حبي إلك مافد يـــــــــــــوم ينقص
أوليش الصاحب أمن ايغيب ينقص
زمن خل الحديد ابخشــــب ينقص
ويخلـــــــــــــي المالة اول بالثنية
بعدني ألف وسفة الوقت عنك بعدني
أموت أو أرتجي وصــــــلك بعدني
أوتراني عالعهد باقـــــــــــي بعدني
تراك أنت النظــــــــــر والحيل بية
ناحل وامشي امكابر تراني
اجلد خاف عـدواني تراني
تارة الموت يدهـاني تراني
اصحة من يمر شامت علية
علامات الكبر بـانت ولاحن
أوخوية المنكسر قلبة ولاحن
بعد ما أنشد عنــــهم ولاحن
ولاحن بعد بالمـــــــالي بية
عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهية
حجايانا قضن يشـــــــقر وكتهن
ولون يحصل مجال إلهن وكتهن
أنا القى أدموع بعيــوني وكتهن
أودمعي خلص وانقــــــطع مية
قوم انصب يصاحب ماتم النة
على الوياه ليــله ماتم إلنة
لون الرجل يمــلك ماتمنة
مهو بالهون فــركاهم علية
بتاج الفرح ولفــــي توجاني
وحسن ردلي شبابي توجاني
من اثمار المحبــــة توجاني
قلبي الشبع ضيم من الاذية
نصحتة اولا نفـــع وياه نصحاي
تعبانيين احنا بهــواه مابعد نصحاي
جفاني وصرت نصي ميت نصحاي
نحيـــل ولا اثــــر نكاد بية
مر ولفي ايهبتـني ومرة هبتة
ومرة اوصلت يمـة مرة هبتة
طحت مقدر يصاحب مرة هبتة
اسد يخسة الاسد ملقــاه الية
وحق التعبدة شيعة وسنة
ذولة الحرموا نومي وسنة
عليك اسيوف جردنة وسنة
علمك يلعبدت اشميت هية
أحبـــج ما أحب غــــــيرك بدالاج
أوشوقي مابدى الغيرج بس بدالاج
أنــا ويـن القــى يا ......... بدالاج
مــلاك ومــن الســـــما نازل علية
وحق الالف واللامــين والها
روحي بهوى ساهي العين ولها
لها ثغر وجبين وعــين والها
خذ شبه البدر لو سـطع ضية
سريتوا بالضعن ياترف هاوين
جفيتوني ولعـند الغير هاوين
هاميت يحلو الطــول هاوين
حياتي والنظر اقــبالك علية
سمر لو بيض يعجبني شكلجن
تنور اشماتــــــــقللي ابشكلجن
لون واحد على حـالي شكلجن
بويا تحنـنـتن وانا النــيران بية
اشتــبي مــنا تســــألنا ابـــشكلـــــنا
بويا ورد جوري أبوسط جنه شكلنا
لون واحد على حـــــــــالك شكلنا
بويا عصرنا الزلـف وانطيناك مية
كلبي من اول احجاية شعر بيك
صعب اعرف اعرابك شعربك
الشفايف عيون طول الشعربيك
كعدت الليل لو تكبل علية
البدر لاحك جبينة والله ليلة
ووفر هذا البثغرك والله ليلة..(والله ليلو)
عشت ليلة بحياتي والله ليلة
غلط بيها القدر واهداك الية
مرات الليالي تصير مرات..(بعض الاحيان)
ومرات الليالي تصير مُُرات..(مر المذاق)
ومرات الليالي تصير مراِت..(مرا~ة)
ومرات الليالي تصير هية
انا الما مذنب بحبة وجاني
زرعت ورود شمحصل وجاني
اذا ما ذكر عشرتنة وجاني
على الدنيا السلام وهاي هية
انا اللي كل وكت كلبي خليلك
وعجيبة شلون ما ترحم خليلك
حبيبي السهر ما اريدة خليلك
لان هو سبب ما صار بية
انا الابيض الك كلبي وصافي
وقليل من البشر تحمل وصافي
يزعلونك علي عمدا وصافي
واضل وياك مهما يصير بية
انا اللي بالحزن ظهري تكلف
ولا واحد من احبابي تكلف
اذا جية المحب صارت تكلف
على الدنيا السلام وهاي هية
وك جرى ميك على ميي ولا زاد
سگيتك من دمع عيني ولا زاد
ملح الما غزر بعينك ولا زاد
طلع ساسك رمل وانهدم بية
روحك مثل روحي بهاون
وتدور عله الفرح كاعك بها ون
صرت مثل كهوة بهاون
يدك والنار عين الهه علية..
حسافه العمر دونك يا هوانة
يا عشكنة يا حجينة يا هوانة
دخيل الله انت گلي يا هو انة
وهويتك ليش وشجابك علية
گلبي الچان الك مسكن والك دار
بجفاك الحزن شل حالي والك دار
الوكت دولاب مل مني والك دار
وانت والوكت صرتو علية
جدمي شله هجركـــ ماتخطة
وبكلبي سهم غدركـ ماتخطة
يدفان عاللكبر اسمي ماتخطة
وادفني عدل شمتاني بية
شجاك ومنشدت عنـــــــــي واناسال
وكلها تشافت اجروحــــــك واناسال
واشوفن دمعتك نشفـــــــت واناسال
دمعي على الخدين واحركهن الية
رضينة من الله كالوا هاي قسمة
ومجنون ترى كلمن عاف قسمة
هاك اخذ الكلب ياصاح قسمة
بين عمارة وبصرة وناصرية..
حبيبي ردتك للوكت والراي
او ثبت مرضي مابين الكلب والراي
صرت مثل الغريج ابحر والروي
ايتلاطم او ماخلة النفس بية
وحك خالق الارض وسماه
شربني الدهر قهر وسماه
صار الضيم الي سلوه وسماه
امدوهن لو ما تمر بلوة علية
بجتلتي بسيف وية اعداي برزاخ
وعلي زخ المطر شر موش برزخ
شتاني وعلي كلهة اصبحت برزخ
حياتي وبعد برزخ بالمنية
كلبي اتولع بحبك...ولع تاب
واناطر منك امسامر..ولعتاب
على بابك وكفت انة ..والعتاب
اكلك ليش؟واتكلي اشبدية
كاس السم لشربة وانت كاسة
وذا عوفك خسارة وانتكاسة
وذا شارك بدوري وانتة كاسة
اشيلك لو جنت خسران مية
ياحبيبي لاتضن الدهر سرنا
هجرنا ديارنا وللغرب سرنا
وحگگ ماظهر للناس سرنا
لچن دمعي فضحني وعم علية
اريد ارسل سلام بالجات عني
واخبر اهلك المادرو عني
ابنكم كتلني بسهامة وعلني
واريد الفصل والدية سوية
بعد راح الحلو وابعد وسافر وهيهات
واكله تحبني اليوم يكول هيهات
تريد اعشق وارد النوب هيهات
ولو ما بيك قصور يا حلو المسية
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
