شلونك شلون الدار وشلون الاحباب
اذكر جرح بجلاك بشرني ما طاب
******************************
علمني عالنسيان ارد انسة ضيمك
وي غيري كمرة تصير بس حصتي ضيمك
******************************
همك وهم الناس وهم هم الهموم
لو وحدة منهن بيك ماتكدر تكوم
****************************
هم الليالي تعود واتعاتب وياك
احجاية للشمات خلاني فركاك
*****************************
يا عازة الخوان عازتها عازة
والماوراها صياح وحشة الجنازة
******************************
مبخوت اضل للشيب يافلان اذكرك
وينكرني نور العين كون من انكرك
******************************
متعجب المهموم يشرب جكارة
قلبي بكثر مانوح تجويني نارة
******************************
اكعد بتال الليل وادعي بصلاتي
ياربي بعد فلان شلي بحياتي
******************************
يسالني البطران حالك اشلونة
الغاضب الله عليه هم ينشدونة
********************************