ارد انشد الصباغ هم يصبغ اقــلوب
اصبغ دليلي اعليك واحزن فرد نوب
******************************
حـط باللبن تيــزاب مجبـور أشربـة
بس لا أشوفك يوم تمشي وي غربـــة
******************************
سباحة لك بالروح خضرى أوطرية
تسقيها من تشتاق وتمر علــــية
******************************
ياماخذين الولف اوليفي وريد أويـاه
مانام لليل الشتى أومقدر على فرقاه
*****************************
الدنيا ماتسواش لاتصفن إلهـا
عالطيب والمزيون يكثر حملها
******************************
يسألني البطران ليش وجهك اصفر
مايدري على المحبوب قلبي تفطر
******************************
يسألني البطران ليش راسك اقرع
مايدري على الحلوين شعري تشلع
******************************
يسألني البطران اعربلي كانة
حسبالة مثل العام عقلي بمكانة
******************************
انشدني عالحال حالي أعلى حـــــالة
سمجه أوشحيح الماي وبظهري فالة
******************************
حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت
******************************
اتعمن والعباس بسجن يالعيون
ابجن وهما هناه لوشالو اشلون
******************************
ياربي سترك رفت العين
واحبابي مو يمي بعيدين
******************************
كـلبي أرد أكـصة إبموس وأكوي إبمكانة
علمني إعله درووب كلهن مهـــــــــــانة
******************************
كلبي أرد أكـصة إبموس وبفاس أكطعة
خلصها بالسختــات مالحك ربعــــــــــة
******************************
القلب قال أحاه ! قتلة وجعــــــــــتين
منهو الاجى أوعزاك من طقك البين
******************************
يالردت عني اتروح خليلي صبرين
واحد يصبر الروح والثاني للعـــين
******************************
شامت وكًًف عل الباب حاير شـــــكًًـلـة
أرتجي إعله المكســــور لو دمعي إهلة
*********************************
إرتجي إعلة المكسـور حيل إردس الكًًاع
بالك تذل جدام شماتك إبســــــــــــــــــاع
********************************
اقعد ابتالي الليل وادعي ابصلاتي
ياربي بعد افلان شلي ابحيــــــاتي
********************************
ارد انصحك يافلان هذي النصيحة
عوف اتلف وادور حب الصريحة
