اتمنى تعجبكم الابوذيات
بقيت لوحدي كمت احجي ويه حالاتي
دموع العين مو نشفت ش حالاتي
ادور اسنين من عمري وحالاتي
مثل غيمه سمه وتمطر علية
******************************
ما تدري بجفاك الكلب ماراد
وكتي وليريده عمل ما راد
بعالي الصوت اصيحن يرد ما راد
هلال اللي مشه ميعود الية
******************************
جماللك حيل يسمر خبلاني
ابتليت وبلوه حبك خبلاني
اتجنيت بجمالك خاف بالله اني
انت اشبيك هم مجنون بية
*****************************
الليالي اشهوداذا ناسي وعيدك
بلكي اتعود للماضي وعيدك
شعلت اشموع ميلادك وعيدك
وفرحت رغم الجروح الي بية
******************************
حنانك ما وصل مره حناني
قسه كلبك كسر هجرك حناني
اذا اشموع الفرح يمك حناني
الشموع تذوب وجفونك بيدية
******************************
اريد اسال كلبي شخذ وشراد
ليش بغفله عني ابتعد شراد
لو انك تدري كلبي شطلب وشراد
يريد يصير الك وانت الية
******************************
الوقت مايوم منه حيراني
السهرني بس جمالك حيراني
اموت ويمر شخصك حي يراني
بنظر عينك ترد الروح الية