تعودنة البواري خوش عادة اليوم
واضنها الشغلة صارت حيل عاديــــــة
كاشخ اني جاي المهم طبيـــــــــت
شفتها كبالي وبساحة الكليــــــــة
حجيت وياها اني وكلت معجب بيج
احبج ياحياتي وصافي النيـــــــــــــــة
اشو دلغم وجها وعبست فدنـــــــــوب
وكلت بكلبي جنها انلاصت عليــــــــــة
روح بعيد كالت مااحب عشـــــاك
اذا انت التحبني اني شعليـــــــــــــة
موبوري احسة ابراسي انجين
وضربتني اعلى راسي ضربة حربية
واظن اثر علية البوري كلش حيل
وشفت الناس تركص كلهة جوبية
وبعد الضربة احس الدنيا عوجة وياي
واظن صابتني يمكن هوية شرجية
فتت يم العميد وكتلة مستر جون
وللدكتور كتلة هلو سعدية
ورحت يم الكشك مدري شجاني اليوم
اعاين عالجبس حسبالي شامية
اكبر زوج والله الييحب اليــــــوم
واغم كلمن يحب و يصارح بنية
