لانك بالتزامك مو من اهلك
اخاف تشيل ذنبي مو من اهلك
منو بكدي يحبك مو من اهلك
منو بكدي يحبك من عشرتك
وتمنى يصير اصبع من عشرتك
وانا شكضيت خايب من عشرتك
اعد بسنين عشرتنة وهي جروح
واحس وية النفس يطلع وهج روح
اخيرا كتلي ودعني وهج روح
اروحن وين مااكدر هوه انت
وانا الماهان من اجلك هونته
اللي بدنياي شي واحد هو انت
وحرت بين التركتة وان تبعتة
وانا الونيت والون ون تبعتة
ماباعك حبيبك وانت بعتة
حبيبك باع عمرة واشترك بي
وحزن كلبي على حزنك واشترك بي
بعد شدوس كلبي وشترك بي
جبل حبة وتكلكل لن تكل بي
ويادنيا شمادفعتي لن تكل بي
واذا تنسى ياكلبي لانته كلبي
ولااريدك بعد وبصدري احملك
وحبيبي شلون ترضة بصدري احملك
اذا حملك يتعبك صدري احملك
اللي وروح الارض وشكد دولهه
وتداوي الداء لو بالمخ دولهه
بس العين مايحصل دولهه
دواهه العين خلهه من تقر بي
وتصب كل ماتشوفك منتة قربي
ولك شيصير حبك من تقر بي
وتحبني انت يقين بصدري مو شك
الف شوكة سكوت بصدري مو شك
انذبح كلبي وتشضة بصدري مو شك
وعرف محد يدفنة وشي دفن شي
وعكب صدر المواكد شي دفن شي
كفر من رسم غيرك شي دفنشي
واظن للجنة يدخل من يرسمك
وحبيبك ينسة حزنه من يرسمك
بسمك حبي جمالك من يرى اسمك
وانا الليل بعيونك شفتة كحلة
وشفت شمس الاصيل وشفتك احلة
العسل من ضكتة كلك شفتك احلة
اذن لو من شفاهك بستك اشفة
اذا انت المات يعدل بس تكشفة
شتظن حبك يضعفك بس تكشفة
وعلي تخفي اهتمامك واكتراثك
وانا المن مات كلبي وك تراثك
نسيت الحب الاول وك تراثك
صدك ينسة تراثة هسجيلك
وتشوف زواج عيني هسجيلك
وانادي وماتكلي هسجيلك
صحتلك يا وصارت كبريائي
واذا رائيت بالشط كبريائي
حبيبي شلون تجرح كبريائي
وتذلني كبال كل ناسك وناسي
وبقيت بصحرا شاتلني وناسي
ناس تكول لاتسكت وناسي
لان كلش مذلتي لاكت الهم
وجبل حبي المقدس لاكت لهم
كالو حيل ذلك لا كتلهم
عناية احتاج كلبة وجاي اعاني
وخفيت شكثر منك جاي اعاني
تمرمرني من ازورك جايع اني
شكثر ندمان جي بيتك عتبته
وعرفني الباب من دكتي وعتبته
عتابي وياك جي احبك عتبته
كلبي شلون يمهم وك كسرتة
اسير ودم شجالك وك كسرتة
كبل جانت اسرتك وك اسرتة
اسرتك هسه سمتني الضحية
