والله ندمة ...
مـــــات جوة ا الكاع حبك من عكب ما جان نجمة
وشرجي صار العمر بعدك يل جنت بيامي نسمة
والله ندمة …
احنا سبحة وطش خرزها وما نرد هيهات لمة
دنيا جذابة ووكيحة وهالوكت ماعندة ذمة
وآنة حزني الجان جاهل من هجركم صار زلمة
والله ندمة ...
بية وصلت انسى اسمي وما نسيت بيوم اسمة
وروحي بيني وبينة صارت لاهي يمي ولاهي يمة
شما اريد الزمها عنك روحي ما تطيني لزمة
والله ندمة ...
حصدوا ابستاني وردك واني حسرة اعلية شمة
وكالوا المقسوم يحصل وانتظر تجمعنا قسمة
ولو سمعت اجدام مرت كلبي فرفح كال جدمة
والله ندمة ...
حسبت يذكر محبتي وبالبواجي عيونة تعمة
ومن ينام بغير حضني يصير تابوت اعلة جسمة
بطلت عينك بواجي ورضت بشفافك البسمة
والله ندمة ...
شمعي نورتة ابطريقك وانت شمعاتك مظلمة
وكلي يانوم الانامة ويا حلم كلي الاحلمة
كافي وانساهم يكلبي وذولة مو وجوه نعمة
والله ندمة ...
تكتب بدمك رسايل للي مايسواش كلمة؟
وبعد لا تحمدلك احد تالي هم تحتاج ذمة
والله ندمة ...