(من زغري)
من زغري علية مرادف النكبات
وطكًات الزمان يضيع بيها العــَــدْ
متعود عليهن والتفوت اتهون
لأن ادري الوراهة اتصير منها أزيــَـدْ
فصٌلت الحزن ثوب ولبستة اسنين
لا يقبل اذبة ولا قـبل يركَــــَـدْ
وحملني الزمان اجروح فوكً جروح
وجروح الزمان اشلون تتضـــمٌـدْ
واضحك والسوالف موش جنها اوياي
مابـّين خلل للناس متعـــــــمد
او من ادري برفيجي يريد بية يعيل
بعتابة الخجل ياخذ ني واتردد
ولافطرة وسذاجة وموش تايه راي
لجن طبعي التسامح وي كل أحــٌــد
ولاعمري بنيتة ابدغش وي الناس
ومن ابني العلاقة ابنيها حل وشــــد
ولا عمري جفيت ابعشرة الطيبين
ولا عمري بديت ابكًـطع حبل الــــود
انسف بالربع واوزنهم بميزان
وموكل الضحك وياي بيه أضمـــَـدْ
اسايرهم حياء وادري ما يوفون
لمس بيدي لمست ومنها متأكـــــدْ
جثيرات السوالف والمجال يضيج
وموضوع الافتحة ادري بيه ما ينســـَد
اكره كل منافق يحجي بالوجهين
يضحك للجبيل وهو قلبــه اســـود
واحبن هالوطن وترابه والطيبين
ودعليه بصلاتي من اركع واسجـــِد
للشاعر حســن السيــد عــاجل
