الوداع.... وجاوبـت دمعـة العيـن
تجـرح.... بساتيـن الخـدود... النديـة
واغضت..وشفت بعينهـا الحزن..حزنيـن
وصاحت ..على الفرقا ...انـا مـو قويـة
وجاوبتها....ارجـوك ..تكفيـن.. تكفيـن
واللللـللله دمعك....يشعـل النار...فـيّـة
وقالـت ...تعاهدني..عـهـاد المحبـيـن
الله يخـون... اللـي يخـون ...بخويّـة
قلـت ابشري...واللـي خلقـك لا تظنيـن
حرااااام...ماغيرك...عشقـت ..آدمـيـة
وقصّت شعرها...قلت انـا..وش تسويـن
قالـت ابـي ..مـن غرتي....لـك هديـة
ونادتنـي الغربة...علـى الهـم والبيـن
احسّـب الأيـااااام... روحـة... وجيّـة
وفي كـل ليلة...ترتسـم بيـن رمشيـن
خيالها...بيـن الـرمـوش... الشقـيـة
غربة سنة...فـي ذمتـي غربـة سنيـن
متى علـى الله.. يلتقـي الحـي... حيـة
خلاص...هانت...ما بقـى غيـر يومـيـن
خـلالالالاص ... قفّت..غربـةٍ جرهديـة
ورجعت....شوقي في خفوقي... براكيـن
ورجعـت انـا... كلـي لها....جاذبـيـة
وسألت ما ردّوا...وانا اصيح هي..وين
وكلٍ نثر... مـن داخـل العيـن... مَيّـة
وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـة
وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـة
وتزاحمـت فـي داخلي...ألـف سكـيـن
والحزن..يطويـنـي ثمانيـن....طـيّـة
صدمة..وجابتنـي علىالارض..نصفـيـن
وشلـون راحـت دون... ذنـب وخطيـة
تكفون....دلـونـي على القبر..هالحـيـن
مـا عـااااد فيـنـي للصبر....مقـدريـة
ووقفـت اطالـع قبرها...بيـن نصبـيـن
وجلست..اضـم اغلـى النصايـب عليّـة
واصيح....وش بك يا غلا.. مـا ترديـن
اشتقـت.. همس..إشفاهك...النرجسـيـة
وش فيك...جيت من السفر...مـا تهليـن
ماهي بلك عـادة....ولا انتـي... رديـة
وحاولت في لحظة جنون...اجـرح الديـن
وازيـح تـربـة قبرهـا....فـي يـديّـة
وبالغصب شالوني...حشـا تقـل مسكيـن
واصـرخ بهم...والله...والللـللله حـيّـة
اقفت...وتاهـت بـي جميع..العنـاويـن
والحـزن يلعب...داخلـي ....سامـريـة
ورجعت لـدروب الشقـا.. قبـل عاميـن
مدري مـن اللـي صـار.. فينـا ضحيـة
التـقيك
