عشت اسنين احبك وانت ما موجود
غفى حبك بكلبي وفاض حبك
تعال وشوف كلبي البيك مجنون
ساعة يكول احبك ساعة اكرهك
تعال وشوفني اشلون ارجف عليك
عشكك صيف متنة نريد حرك
يفر بينة هواك اندوخ كل يوم
وعفية انت الهوى ما يوم فرك
ما عرفك جنت واتمنى احاجيك
هويتك هسة آنة وما ريد اعرفك
طعم حبك عجيب منين مصنوع
حلو كلش والاحلى النوب مرك
اشتريك آنة اليّ وابد ما بيع
بيك آنة ربحت ما ريد اخسرك
ياريل ومحطة ودرب ليل الشوك
ما كمل بعد ماريد اعبرك
تزاعلني وتروح وآنة اراضيك
واعرف بيك تدلل واعذرك
اريد وما تريد اشلون تالي وياك
ما اكدر اردك ماشي امرك
يا اطيب جرح بالكلب خليك
ويا احلى صبر مجبور اصبرك
موتني على كلبك قابل الموت
شحلات الموت وآنة بين كلبك
ماعوفك بعد والكالك وهمان
لوسم تنكلب همين اشربك
اذا حبك بحر اقبل اجازف بي
صرت سفان آنة بهذا بحرك
وافرض لو خسرت لحبك بيوم
ما اجوز آنة ابد يومية اجربك
