من اصد عليك اشوفك تخجل وتحتار
ونضراتك بكلبي اسهام ترميني
اكضي الليل اسهر كلة وافكر بيك
حسبة تجيبني وحسبة توديني
ساعة انساك اكولن ساعة اكولن لا
ساعة تحبني احسك ساعة تجفيني
اكضي الليل اسهر شحجي من كلمات
وشيجيب الصبح وارمي براكيني
واذا شفتك عجب شو انسى حجي الليل
موانة السبب عينك تنسيني
صارحتك بعيني وكتلك اني اهواك
بس ألساني مايكدر يحجيني
من طبع العدو من ينسبي يسبي اعداه
بس انت حبيبي وانت سابيني
العين بلا جدل يطفيها ذرة تراب
وانت شكبرك وشلتك وسط عيني