تعال لخاطرك .. ظل عندي مكسور
وصدكني اعترف .. اني الكسرتة
تعال لكلبي .. متيتم بلياك
تعال لخاطري .. ونشف دمعتة
صح مني الزعل .. ما بيك كل صوج
واحاسب روحي ..لان كلبك جرحتة
تعال وخل نشد .. حبل المواعيد
حيل تندمت .. لمن كطعتة
كتلك عوفني .. كل قصدي ألاشيك
كلت الحب حلو .. تونس زعلتة
ما اصورك .. منتظر هاي
بوجهي الباب .. شو رأسا قفلتة
اعتبرني بهاي جاهل .. جنت احاجيك
وطفل غلطان .. ما تغفر غلطتة ..؟
كمر وجهك تعال .. وضيع الليل
وخلي الليل .. يرجف من طلعتة
ترهملي انت بس .. وارهم عليك
وما يسوى الزعل .. شكك صفحتة
اعتذرلك هسه جيت .. وكون ما جيت
وعساني لبابكم .. لا ما وصلتة
كتلك انت ألية .. وملكي للموت
وغيري وياك .. ما ترهم عشرتة
كاعي انت وزرعتك .. واني فلاح
ليش الغير .. يحصد بالزرعتة
كلبك هذا يمي .. وسولف وياه
اكيف لو يقنعك .. او قنعتة
ما اصبر بدونك .. لحظة ما عيش
هذا الصوت .. من كلبك سمعتة
تعال بسرعه نرجع .. ننسى الراح
ومن كلبي الزعل .. صدك مسحتة
تعال لخاطرك ظل عندي مكسور