مل مني الدمع ما راضي يسيل
واحس جفني اندمل ما يحمل الدمعة
واحس روحي انتهت مابين الايدين
وبنص الليالي اتذوب شمعة
انا مغمض صرت ما اعرف الناس
وغرتني الوجوه البيها لمعة
وصرت مثل الصكر هيبة بسماه يطير
ولي طاح بدرك ما ينعدل وضعة
انا الطايح صرت وجناحي مكسور
وتوجيت على طايح منكسر ظلعة
حرت شصرخ خذلني الصوت
ولكيت اليستمع اطرش نسوه ربعة
وتوجيت على روحي ومالكيت الروح
اثاري الروح سالت بآخر الدمعة
ودورت الاخيرة ابين الدموع
كالت ابتعد ارجوك دمع الطاح شيرجعة
كلت صبرج اريد الروح الية اتعود
بيها احساس صار سنين احن اعليه
وبلكن لو لكيت الروح الي اتطلعة
تعب عمري وسهر الايام
وي سيل الدمع راح بأثر خدعة
ومو سهلة الاحساس يموت
ولا ثوب وعتك وبمستحى انزعة