وين طلعتوا بالعيد
أول يوم ؟
ثاني يوم ؟
ثالث يوم ؟
الحقيقة آني قضيت العيد في البيت من أجل أن أقدم لكم هذا المنتدى بأبهى صورة لكي يكون بمثابة عيدية لكم وأتمنى أن يعجبكم
شكد حصلت عيدية ؟
أو
شكد أنطيت عيدية ؟
آني لا أنطيت ولا حصلت لأن مثل ما سبق وكلتلكم أقضيت الوقت في المنزل
شكد أكثر عيدية أنطيتها أو حصلتها وألمن ؟
و
شكد أقل عيدية أنطيتها أو حصلتها وألمن ؟
كم رسالة (مسج ) وصلتلك على الموبايل ؟
41 رسالة
ما هي أجمل رسالة ( مسج ) وصلتلك ؟
بيكم سعيد العيد وأنتم سرورة
وهلالة بيكم بان وأكتمل نورة
ما هي أغلى رسالة ( مسج ) وصلتلك ؟
كل عيد كان عندي رسالة تأتي من شخص غالي وعزيز علية
لكن في هذا العيد بالذات فكل الرسائل غالية وعزيزة عندي ومتساوية في المعزة
ما هي الرسالة ( مسج ) التي رسلتها لأصدقائك أذا كانت نفسها ؟
شافوا هلال العيد بس كلش أبعيد
بس أنت من شافوك كالوا ثبت عيد
من منو أول رسالة ( مسج ) وصلتلك وشمكتوب بيها ؟
من صديقي زيدون
ومكتوب بيها
هاك القلب والروح بس كلي شتريد
كل عام وأنت بخير من هسة للعيد
ومن منو آخر رسالة ( مسج ) وصلتلك وشمكتوب بيها ؟
من أبن خالتي
ومكتوب بيها
شريد أكتبلك معاني شريد أرسلك تهاني
أذا أنت العيد نفسة شلون أعيد بدونك آني
أشتريتوا ملابس للعيد لو لا ؟
وأذا أشتريتوها شوكت أشتريتوها بالعيد برمضان كبل رمضان ؟
وشنية الملابس ؟ عددها مع شرح واحدآ منها هههههههه
هو آني أشتريت ملابس ألية حتى أشتري للعيد ههههههههههه
لا والله مثل ما كتلكم مشغول كنت بالعيد بالمنتدى
ومن خلصت الأمتحانات للعيد كان عدنا بناء بالبيت
سويتوا كليجة بالبيت لو بالفرن ؟
مال ما سويتوا هاي جذب وبطلوهن
لا تخافون ما أكللكم جيبولي
لأن أحنا هم سوينا شي عادي
بس سويناها بالبيت تدرون ليش
لأن أبو الفرن أذا تروحولة وتلكون الكليجة محروكة تدرون شيكللكم
صوجكم أنتوا جيتوا متأخريين ههههههههههههههههه
ما هو أجمل شيء حصل لك في العيد ؟
في البيت أو في الشارع أو في أي مكان آخر
الحقيقة لا يوجد من أجمل زيارة أصدقائي لي ومعايدتي
وكذلك تكلمت مع الممثل العراقي اياد أللي يسوي نفسة هندي ههههه
كلمة أخيرة تقولها بمناسبة العيد ؟
أو
أمنية تتمناها أن تتحقق من هذا العيد ألى العيد القادم ؟
أتمنى من الباري عز وجل أن يعيد علينا هذه الأيام بالخير واليمن والبركة ويحفظ كل المسلميين وخاصة لعراقيين الطيبيين الذين كانوا ولا يزالوا يصبرون على الصعاب التي يمر بها بلدهم من أجل أن يرفعوا راية بلدهم عاليآ بين البلدان
وتذكروا يا أعزائي أنتم بين أهلكم وأصدقائكم يجب أن تكونوا أنت من تصنعون التجمعات الجميلة والفرحة خصوصآ في مثل هذه الأيام ولا تنسوا أن هناك الكثير من اليتامى لا يوجد من يمسح دمعتهم لكي يعيشهم بثواني الفرح وأن هناك الكثير من المسنيين الذين لا يجدون من يرسم البسمة على شفاههم لذلك فلنقولالحمد لله على ما أعطانا ربنا من النعم والعيشة الجميلة بين الأحبة والأهل والأصدقاء
ودمتم سالميين يا أحبائي
ألى الملتقى مع عيد آخر ….