يا حادي شلون ما احبك ولا أبيـــك
وحبك ساكن بروحي وأنه بيــــــــك
أدعي عليه بالموت أذا گلت ما أبيك
لك انت الهوى والماي بالنسبة لية
هاك الگلب وأخذ الروح ملك لـــــــك
ودلالي صاير مسكنك و بيت لــــــــك
وأنه من الجدم للراس كلي بس لــــــك
صاير انت شريك وياي بية
يا روح الروح آنة بأسمك بس أغنـــــي
وآنة بحبك يا ترف قانع وصاير غنــــي
دوم هالگلب سارح بيك وهايم ويغنــــي
حبيبي انت وأغلى من روحي علية
خطف طيفك شل حالي أخذني منــــــي
ويا هالمحبوب ياهو اليگدر ياخذك مني
روح الروح انتي لا أنتـــــي مـــــــــني
وهاج أخذي الگلب مني هدية
طاف حبك وسط گلبي وغرگانـــــــي
واني بحر حبك تايه وغارگ أنــــــي
ومن أشوفك ويه ربعـــــك أغار اني
ما اغار شلون وانت اغلى مني الية
حبك بحر ناشف مروة منــــــــــة
صديق العافك لا تترجة مروة منة
ليش اليوم راحت مروة مـــــــنة
أدور مواصفات وما طلعت البية
حبيبي لا تهيج أجروح گلبي خلهــــا
لك انت عزيز الروح وانت خلهـــــــا
أخل ايدي على خدك وأرجوك خلها
يذوب الگلب من يمر اسمك علية
