منتديات اشرف علي ملك الرياضة

منتديات عامة
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 حوار شعري تحشيشي بين ولد وبنية هههههههههههه ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


ذكر الثور عدد المساهمات : 2156
نقاط : 6175
السٌّمعَة : 0
تاريخ التسجيل : 30/06/2011
العمر : 26
المزاج : عصبي والله اليستر

مُساهمةموضوع: حوار شعري تحشيشي بين ولد وبنية هههههههههههه ...    الجمعة مايو 04, 2012 3:11 pm

تبدأ القصة في مجلس يجمع مجموعة من الشباب و الشابات , و يبدأ أحد الشباب بهذا البيت من الدارمي

شاب و شبع لوعات و هم طلع شيبة ___والفرح عنة بعيد و بلا حبيبة

فترد عليه إحدى الشابات :
... ...
طم روحك بسرداب و الطم لطم ميت ___كل ربعك مكبلين بس انت ظليت

الشاب:
هم ردت أطم الروح بسردابي گوة ___بس شفت فارة و فار بالختلة جوة

الشابة:
تتغازل الفيران وانت التباوع! ___مو بس تطم الروح .دكها بمدافع

الشاب:
هم جبت مدفع زين ,گلبي ارد أهفة ___بس شفت قنبلتين ,شفة اعلى شفة

الشابة:
جانت تعوزك هاي ,حب القنابل___ماتگلي حظك ليش وياك قافل

الشاب:
ما اريد أهيج جروح خل أمشي أحسن___وابعد بعيد هناك و بروحي اسحن

الشابة:
لا عمي,لا هيهات هاليوم أعوفك ___خليني أمشي وياك وافهم ظروفك

"ينهض الاثنان و يسيران معا,تاركين المجلس"

الشاب:
بس مشيج انت وياي مابي دواية ___سلعة و لفظها السوگ ,گلبي و هواية

الشابة:
خافن عليك تروح تلبسلك حزام ___و بواحة العشاگ اتفجرة وتنام

الشاب:
مو ذنب اهل الشوگ ماعندي محبوب ___يجوز بجهرتي عيوب مانحب فرد نوب

الشابة:
عمي الزلم أخلاق مو بالمظاهر___و گلب البنت مفتوح للگلبة طاهر

الشاب:
كل ظنج الگى گليب يخفگ لملگاي___وبشوفي يفرح دوم و يگلي ياهواي!

الشابة:
الگلب بالتشريح تشوفة نصين ___نص لمسير الدم و نص للمحبين
وكل احنا عدنا انصاص,هم الها ثاني___ولا بد ينول الحب كلمن يتاني

الشاب:
يابة شكثر تانيت گربت أأيس ___وگلبي الخفگ من جان البكري ريّس
بس والله هم معقول حجي الحجيتيه___اشگلتي لو تبنين گلبي و تسكنيه؟

الشابة:
لي هسة ما حسيت !وك آنا أحبك___و من (طلعن الشيبات)وآنا اعلى دربك
ونشدت گلبي اعليك ,گال انت حباب___بس رادك تناغيه حتى افتح الباب

الشاب:
و فكرت ب(التفخيخ)وب(طمة السرداب)___ثاري الأمر محلول وي دگة الباب
بس انتي حلوة هواي وآني قدي و عوع___ولو شافت أم وحام وجه العلية تزوع

الشابة:
شلّي آنا بأم وحام و شلّك معاها___إنت شريج الروح ,ميها و ضواها

الشاب:
گلبج صدگ وياي أفديلة گلبي ___و خل تسمع العشاگ ,بس انتي حبي

الشابة:
و بواحة العشاگ سجل إسمنا ___نحجز مكان هناك و الحب يلمنا

_______________________________________
http://www.sw-ps.com/vb/cards/f-t/vol.htm
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ashraf-ali.yoo7.com
 
حوار شعري تحشيشي بين ولد وبنية هههههههههههه ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اشرف علي ملك الرياضة :: المنتديات التحشيشية :: قسم الأشعار والأغاني التحشيشية-
انتقل الى: