منتديات اشرف علي ملك الرياضة

منتديات عامة
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اوعى تقعد مع جدتك ليلة الامتحان هههههههههههههههه ...

اذهب الى الأسفل 
كاتب الموضوعرسالة
Admin
Admin


ذكر الثور عدد المساهمات : 2156
نقاط : 6175
السٌّمعَة : 0
تاريخ التسجيل : 30/06/2011
العمر : 27
المزاج : عصبي والله اليستر

مُساهمةموضوع: اوعى تقعد مع جدتك ليلة الامتحان هههههههههههههههه ...    الجمعة مايو 04, 2012 6:01 am

الله أكبر الله أكبر..أذان الظهر..

يارب.. يارب بحق ده الآدان تنجح يا مودي يابن ابنى وأشوفك دكتور أد الدنيا -

ياستى بس أنا فى تجارة-

ومالة يابنى هو يكتر على ربنا ده ربنا قادر على كل شئ -

ياستى ونعم بالله بس اللى بيطلع دكتور لازم يكون فى كلية الطب مش التجارة-

يلا تجارة تجارة ومالها التجارة دي حتى التجارة شطارة ده الله يرحمه جدك كان تاجر في الوكالة أد الدنيا-

يا ستى التجارة اللي فى الوكالة حاجة واللي فى الكلية حاجة تانية-

على العموم شد حيلك أنتة وانا أخلي جدك يخدك معاه الوكالة عشان تتدردح وتتودك في السوق-

جدي إيه اللى هايخدني معاه .....ده جدي مات من زمان ياستي-

يامصيبتي عبد الواحد مات ياحبيبى يا أخويا مكنش يومك ياسبعي-

ياستي ده ميت من تلتين سنة-

تلتين سنة..ده العمر بيجري ياولاد تصدق ولا حسيت بيهم....ياللا أهو غار فى دهية....قطع وقطعت -سيرتة..ده كان بخل الدنيا فيه..أن ما عمره دخل علية ببطيخة ولاكيس جوافة

ياستي حرام عليكى عايز أذاكر بقى-

يوه..وأنا ماسكاك ياولة..ذاكر ...ذاكرعشان ربنا يكرمك وتنجح وتاخد الدبلون-

يا ستي دبلون إيه..أسمة البكالوريوس-

أنتة عتضحك علية ياولة..أسمة الدبلون الواد ابن فايزة جدع زيك كدة فى مدرسة التجارة وخد الدبلون-

خلاص دبلوم دبلوم ياستي ..سيبينى بقى عشان أذاكر -

-ذاكر ..ذاكر يا أخويا ذاكر... تعرف ياواد ..ندرن عليا يوم ماتنجح لأكون رايحة خاطبالك عبير بت رئيسة....دي إيه ياواد.. أدب وأخلاق..وعلام كمان

ياستي عبير دي معاها أعدادية-

-ومالة يابني ...الراجل مايعبهوش إلا جيبة

راجل ...راجل مين يا ستي...عبير دي بنت -

-عبير ...عبير مين ياولة..أنتة بتعرف بنات من ورانا

لا إله إلا الله....أبوس رجلك ياستي أرحميني بقى -

-طب ذاكر....ذاكر جتك نيلة وأنتة طالع براوي كدة زي أمك....قطعت وقطعت سيرتها...أنامش عارفة أبوك كان أجوزها على إيه..حكم...قال لبس البوصة تبقى عروسة..بس واللى نبي النبي نبي لكون مبوظة الخطوبة دي ومجوزاه أنيسة بت أختي

-يا ستي خطوبة إيه..أبويا مجوز أمي من خمسة وعشرين سنة ..وبعدين أنيسة دي بنت أخوك مش بنت أختك ..وأساسآ إنتي ملكيش إخوات بنات

صحيح ياولة ..أنتة عندك حق أنا مليش إخوات بنات..أصلي أنا أمي ما كنتش بتخلف صبيان-

حراااااااااااااااااااااااااااااااااام ............ستي ما تطلعي البلكونة شوية ...ده الهوا حلو برة -

لأ يا خويا....فى جدع كدة حليوة وشعرة مسبسب فى البلكونة اللي فى الوش بيقعد يعاكسني-

خلاص روحى المطبخ ...أهو زمان أمي خلصت الرز-

رز...رز إيه يابني....هوأنا ليه سنان للمكرونة...أنا هطلع البلكونة أحسن-

طب أبقى خلي بالك من الهوى يا ستي-

هوى لما يلطشك يا واد يا جذمة انت-

الحمد لله أخيرآ خرجت وقدرت أذاكر .. رحت الأمتحان تاني يوم وربنا كرمني وحليت كويس لكن للأسف المراقب سحب مني الورقة
قبل ما أكتب أهم حاجة فيها

يا ترى أنا كان إسمي إيه؟؟

اوعى يحصلكوا كدة اللهم ما بلغت اللهم ما فشهد
^_^

_______________________________________
http://www.sw-ps.com/vb/cards/f-t/vol.htm
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ashraf-ali.yoo7.com
 
اوعى تقعد مع جدتك ليلة الامتحان هههههههههههههههه ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اشرف علي ملك الرياضة :: المنتديات التحشيشية :: قسم التحشيش-
انتقل الى: