شبعد عندك حچي وشرايد تگــــــــول
تريد تعوفني ووصلت فكرتــــــــــــك
حبيبي أدلل أدري تريدني أنســــــــاك
عفواً قصدي تدلل حضرتـــــــــــــــك
مدري شجابني وگلت أتصل بيـــــــك
أجة الليل وچنت وحدي وذكرتــــــــك
عرفتك من ردت تحچيلي موضــــوع
حچيتة وغلبت حروفك حسرتـــــــــك
وعرفتك من حچيت بطاري الــــوداع
عرفتك يمكن أتطول سفرتــــــــــــــك
قفلت أحلامي والخط بعدة مفتــــــــوح
وگلتلي وياي وگتلك سمعتــــــــــــــك
ردتني أوصف وكتها أحساسي وياك
وردت تعرف الحصلتة بعشرتـــــــك
وبچيت وگتلك أنتة تخيل تكــــــــــون
بنص المعركة وتعثر مهرتــــــــــــك
على كل الخلص من عمري ندمـــــان
وعلى كل الوصل منك شكرتــــــــك
