تعال ابريني ذمة اليوم اخر يــــــــــــوم
واجة وكت البجي مطلوبة دمعتنـــــــــة
غصياً نفترك والفركة شي محتــــــــوم
سواها الزمان وراد فركتنــــــــــــــــــة
وشتت كل شملنا وطشر الصحبـــــــان
وما نرجع بعد وتعود لمتنـــــــــــــــــــة
خلص عمر الشباب وضاعت الاحلام
وهب ريح التخرج وطفة شمعتنـــــــة
الكلية انتهت والورد صب دمـــــــوع
من شاف الحزن بشفاف ضحكتنــــة
واشوف النادي عزل بقت بس اثــــار
وبقة فارغ مكان البي كعدتنـــــــــــــة
وشالوهة الجداول وسدوا القاعــــات
وبدون اسماء ظلت بيض لوحتنـــــة
يسألني القلم شبسرعة صــــار وداع
وتسألني الدفاتر وين رحلتنــــــــــــة
فدوة انطونة فرصة نريد نبقى هنــا
ما ردنة الشهادة نريد صحبتنــــــــة
بعد فترة الزمن مهما يدور الكــــون
امان الله لا تنسون ذكرتنــــــــــــــة
وداعاً للحديقة للقسم للطــــــــــلاب
وداعاً للصور وافراد دورتنــــــــة
