شجاك شغيرك مو جنت زين وياي
جنت تتلكةجيتي بشوك وبلهفة
وهسة من اجيلك جن ابد ما جاي
يا وسفة شجاك تغيرت وسفة
اشوفك تبتعد ما تنتظر ملكاي
وجنت انت الجنت ابصوتي تتدفة
هسة شما اجيك واحضنك ساعات
تبعد عني واتحسف الف حسفة
ميزانك جنت وتتعدل انت وياي
وهسة شما اشوفك مايل الكفة
ادور حل وادور وين الكاه
بلكت من اشوفك الكة فد صرفة
ولا جن هذا حبنا شكد تعبنا وياه
وركضنا سنين وشوي وبعد نحفة
شجاك شغيرك مو انت الكلت اهواك
وكتلي المرض بس بشوفتك يشفة
مو انت الكلتلي شما تريد انطيك
ولو عالكمر رايد نعلن الزفة
مو انت العشت وياك احلام واحلام
وكوابيسك اجتني وصعب تتخفة
جنت لمن تجي ترتجف كل عضاي
وهسة شما اشوفك راحت الرجفة
صرت سعفة بوجودك مايل وي الريح
بس هسة انتهيت وماتت السعفة
قضيت اعلة الكلب بيدك بعد شتريد
جاي تكمل عذابك يا الف وسفة