متى السؤال يجد الجواب
ليش؟
عله انقاض الدمع رممنه الخدود
وواعدنه الضحك بس ما لگانه
ماندري الفرح بس لهل القصور
لذلك يعتذر مامر واجانة
وما ندري السبب لو بينه لو بيك
وضّح يا زمن وبكل امانه
مسجون الصدگ گدام العيون
والچذاّب شو طالق عنانة
يعني احــنه غلط چه فقره والعوز
مثل ظلنه صفه يركض ورانة
لو يمكن قــــــدر نرهم عالاحزان
وصاغنه الدمع حد ما عمانة
ومن فضلك بعد نحتاج تبرير
ليش الطيبه محسوبه مهانهة؟
نلزم سيف حتى انصير وياك ؟
ونعوف الورد غافي بمكانة
ونلغيه المشاعر والاحاسيس
واذا فز الضمير انسد اذانة ؟
ومانحچي بعد مثل التماثيل
ويخون البشر گلبه ابلسنة
عذابك يازمن بس گول لي وين
تعبانين من يوم اللفانة
ونسأل يا هلي ليش المعانات
في قاموسكم توجد خيانة ؟
من عدكم عرفنه الطيبه والخير
چاليش الزمن قاسي معانة ؟
نرجع للدمـــــــع ونبيع الانقاض
وكالعاده الحزن صفقه اشترانة
وشكراً للدمـــــع بس هو وفـّـاي
شريف ومانكر اصله ونسانة